SA
IMONG PAGSUROY SA LASANG
Anthony S. Incon
Hunong,
Una
ka mosulod sa lasang
Huboa
ang imong sandalyas
Ang
mga lumot na ang mosapnay sa mga tiil.
Paghinay
sa imong tunob
Maipit
unya ang mga sanga sa kahoy
Kay
mangatagak ang mga gangis nga nanghagwa.
Inig-abot
nimo sa busay,
Panabi-tabi
Kay
basin ug magkaguliyang ang mga engkantadang
Madanihon’g
nanghamli.
Ayaw
pag-ubog sa tubig
Ang
mga alimokon dili na modimdim
Sa
katam-is sa nagbugwak nga tubod.
Sunda
na lamang ang mga dalan nga hinimo sa mga agta
Aron
dili mapusgay ang palasyo sa mga hulmigas.
Paghilom
Inig-abot
nimo sa langub
Matugaw
unya ang yukog nga miriko
Nga
nagkuraw sa dugos nga pinabukaw.
Sa
imong pagpauli
Ayaw
kutlua ang mga bulak nga namidpid sa dalan
Matagak
unya ang lumay sa ilang kaanyag.
Hinuon,
busga ang imong kaugalingon
Sa
pagsud-ong sa pagsayaw-sayaw sa mga dahon
Nga
maabiabihong mialagad sa imong pagsuroy.
(1999)
0 comments