SAMAD
Hi-D
Palapar
Ang dugo nga mitulo sa samad sa
akon kasingkasing
Puwang tinta nga milama sa panit
sa akong pagbati,
Ug dugayng’ mapapa bisan hugasan
pa kini nimo
Sa imong laway
Ug pahiran pa kini
Sa imong palad.
Dugay miundang ang pagdugo sa
maong samad
Bisa’g gisampongan ko kini og
dahon sa paglaum,
Gihiktan og taas nga panapton sa
panahon,
Ug human tambali sa mertayolet
Sa kalagot, gitabunan sa gapas
Ug plaster sa kalimot.
Karon, ang samad, kay samad man
kini, sa iyaha ra misira,
Mikugan ug miuwat, apan ang
kangutngot sa imong
Pagbudhi ug pagbiya kanako
motumaw
Sa kabugnaw tunga-tunga sa
kagabhion,
Ug walay sipyat nga motandog
Sa akong kabukogan.
Meet the Writer
HI-D PALAPAR is the Communications Officer of the Ramon
Aboitiz Foundation Inc. and teaches part-time at the University of San
Carlos. Her Cebuano and English poems
have been anthologized locally and nationally.
She was a fellow to the Faigao, U.P., Iyas, and Iligan workshops.
0 comments